Pamarekan Rétorika

           1.      Pamarekan Ma’na

a. Rétorika salaku kajian ngeunaan kasalahpahaman jeung cara ngungkulan éta kasalahpahaman. Dina ngungkulan kasalahpahaman éta panyatur kudu bisa nepikeun caritaan kalawan hadé tur bisa janggungjawab kana naon anu dituturkeun. Aya paribasa “hadé ku basa goréng ku basa”.

b.   Dina kagiatan ngaréspon ku cara nganalisis, ngelompokeun jeung ngabandingkeun bisa jadi cara pikeun eunteung panyatur nalika ngébréhkeun bahan caritaan.

c.     Kecap téh mangrupa simbol. Aya ogé kecap nu ngabogaan tujuan atawa maksud nu tangtu sok disebut istilah basa émotif.

d.     Ma’na (meaning) anu dipaké ku panyatur nalika nyarita nya éta gumantung kana kasang tukang panyatur, ogé pangalaman anu pernah disanghareupan.

e.      Sanajan persepsi kana simbol sarta unsur referent sarua, tapi persepsi kana unsur referent masing-masing mah gumantung kana pangalaman panyatur kana basana.

f.    Ngagunakeun métafora, babandingan penting pisan dina nyarita lantaran bisa leuwih museurkeun konséntrasi salila komunikasi.

        2.      Pamarekan Ajén

  Numutkeun pamadegan tina sababaraha tokoh rétorika ngeunaan ajén-ajén étika dina rétorika bisa dicindekkeun jadi tilu nya éta:

a.    Étika bisa disebut pamikiran ngeunaan hiji halsangkan bisa ngabédakeun nu alus jeung goréng, nu bener jeung nu salah.

b.    Rétorika kudu ninggali kana tilu hal  nya éta, pedaran matéri, némbongkeun rupa-rupa gambaran hasil jeung nimbang-nimbang pibasaeun.

c.       Substansi rétorika nya éta hasil nalar nu hadé anu dicirian ku tatakrama basana.

      3.      Pamarekan Motif

Nurutkeun pamikiran Kenneth Burke pamarekan motif dina rétorika nya éta:

a.       Motif jadi panghubung dina jalanna kagiatan rétorika.

b.      Référénsi dina motif rétorika kudu loba sangkan jadi hiji kakuatan dina nepikeun bahan caritaan.

c.       Fungsi rétorika nya éta kumaha basa anu dipaké ku panyatur dina nepikeun caritaan ka paregep.

d.      Konsép rétorika nya éta persuasi

e.    Perlu ayana binaan dina nyaluyukeun matéri nu ditepikeun atawa diinformasikeun ku panyatur sangkan paregep bisa ngarti jeung maham kana bahan caritaan.

     4.      Pamarekan Cara pikeun Nyangking Pangaweruh

Numutkeun Robert Scott, Douglas Enhinger, Way Brockiede, Richarrd D. rieke, jeung Ernest Borman dina Haéruding jeung Suherman (2013).

1.  Ambahan (ruang lingkup) rétorika ngawengku sakabeh prosés arguméntasi ti mimiti maluruh nepi ka manggihan matéri, nyusun matéri jeung masalahna, dirojong ku ingetan, dipasieup ku gaya basa, nepi ka midangkeunana kalawan dinamis antara panyatur jeung paregep.
2. Sawala atawa debat mangrupa cara anu merenah pikeun rétorika, lantaran ngandung sifat kritis, média pikeun nalaah masalah, sarta bisa dimekarkeun kalawan kooperatif tinimbang kompetitif.
3. Kagiatan anu dilakukeun dina rétorika nya éta nyiptakeun bebeneran.
4. Rétorika mangrupa jalan pikeun nyangking jeung nyiptakeun pangaweuh jeung bebeneran.
5. Kamupakatan intéléktual antara komunikator jeung audien bisa diciptakeun sanggeus prosés rétoris lumangsung dina kagiatan komunikasi.

RÉFÉRÉNSI

Haérudin jeung Suherman, (2013). Panganteur Kaparigelan Nyarita. Bandung: Jurusan Pendidikan Bahasa Daerah Fakultas Pendidikan Bahasa dan Sastra UPI